Champions League zhvilloi mbrëmë dy ndeshjet e para të kthimit në fazën çerekfinale. Pas 90 minutave, Real Madridi dhe Milani kanë marrë dy biletat e para dhe tanimë janë në mes katër skuadrave më të mira në Europë.
Real Madridi fitoi 0-2 në Londër kundër Chelsea, teksa rezultati i përgjithshëm mes tyre është 4-0. Milani barazoi 1-1 me Napolin, në “Diego Maradona”.
Me rezultatin e përgjithshëm 2-1, skuadra e Milanit kalon në gjysmëfinale. Ndërsa sonte në mbrëmje në orën 21:00 luhen dy ndeshje të tjera Inter- Benfica dhe Bayern Manchester City.