Chelsea triumf në Derbi, skuadra e Lampard rikthehet tek fitorja, fiton 3-0 ndaj West Ham

Pas dy humbjes radhazi në kampionat, skuadra e Chelseas është rikthyer tek fitorja duke triumfuar në derbin e Londrës. Skuadra e Frenki Lampard mundi 3-0 rivalët e qytetit, West Ham. Në një përballje të dominuar nga skuadra blu, gjithçka u bë e lehtë për ekipin e Chelsea që fillimisht shënoi me Thiago Silvën, ndërsa më pas ishte Abraham që realizoi dy herë në pak sekonda. 

Një fitore e domosdoshme për ekipin e Chelsea, që në ndeshjet e fundit nuk ka dhënë stabilitet, pasi ka marrë vetëm 2 fitore në pesë ndeshje.

Megjithatë blutë e Londrës e shohin veten në vendin e pestë me 25 pikë pas 14 javësh, 6 më pak se ekipi i Liverpool që ndodhet në krye të falsifikimit.

Në anën tjetër vijon forma jo e mirë e skuadrës së West Ham, që edhe pse i bëri një nisje të mirë kampionatit, ka zbritur ndjeshëm në renditje, pasi tani e sheh veten jo më lart se vendi i 10, në kuotën e 21 pikëve. Megjithatë, diferencat janë mjaft të vogla mes skuadrave të Premier League, e deri në fund gjithçka mund të ndryshojë.