Cikloni shkakton dëme të konsiderueshme në Shkodër

Cikloni që përfshiu Shkodrën mbrëmjen e së premtes shkaktoi dëme të konsiderueshme në qytet.

Si shkak i erës së fortë dhjetëra pemë disa vjeçare në unazën perëndimore te qytetit u rrëzuan duke bllokuar rrugën si dhe dëmtuar objektet përreth.

Dëmet ishin të konsiderueshme por fatmirësisht asnjë person nuk u dëmtua nga rrëzimi i pemëve.

Sipas banorëve përveç shkaqeve natyrore, rrëzimi i pemëve ishte dhe faj i projektuesve të rrugës të cilët nuk morën parasysh thellësinë e rrënjëve.

Era e fortë shkaktoi dëme dhe në sistemin elektrik ku në disa zona të qytetit si dhe në rrethina pati ndërprerje të energjisë elektrike ndërsa sa i takon prurjeve nga reshjet e shiut në kaskadën e Drinit , situata paraqitet normale dhe nuk ka rrezik përmbytjesh.

Lexoni gjithashtu;

Stuhi në fundjavë, Mbrojtja Civile kërkesë për gatishmëri pesë prefekturave