Cila është grupmosha që popullon burgjet shqiptare?

Nga rreth 5 mijë të burgosur, pjesa më e madhe janë të moshave 30 deri në 40 vjeç.

Kjo rezulton të jetë mosha më e shpeshtë e të burgosurve sipas të dhënave të Ministrisë së Drejtësisë, për vitin 2021.

“Është një anomali e madhe sociale për shoqërinë tonë. Krimi në këto mosha duhet të ishte shumë më i ulët. Më i kuptueshëm e justifikueshëm do të ishte në adoleshencë. Në këtë grupmoshë ka interesa të caktuara si pronësore, përdorimin e drogës dhe alkoolit”, thotë sociologu Gëzim Tushi.

“Kriza ekonomike, një lloj karriere që kanë filluar të bëjnë që në rini të hershme në trafikim drogash apo dhe mungesa e besimit te drejtësia dhe institucionet duke i çuar drejt vetëgjyqësisë. Këto janë arsyet që e rendisin këtë grupmoshë si kontingjent burgjesh”, shprehet Entela Binjaku, socioleoge

25-30-vjeçarët renditen si grupmosha e tretë më e madhe që ka populluar burgjet. Në vend të dytë për nga numri janë 40 dhe 50-vjeçarët.

Nga 4800 të burgosur gjatë 2021-shit pjesa më e madhe ishin të dënuar për vrasje, drogë dhe vjedhje me dënime 5-15 vjet.

Shifrat flasin për një koeficent kriminaliteti 196 krime për 100 mijë banorë. Për këtë arsye gjykatat në vitin e kaluar kanë dënuar 12mijë persona. Pothuajse gjysma deri në 2 vjet burg. Por, një pjesë e mirë e çështjeve janë apeluar.

LEXONI GJITHASHTU:

• Më shumë krime gjatë 2021, listën e çështjeve e kryeson Tirana