Cilët janë dinozaurët që i mbijetuan asteroidit dhe jetojnë ende mes nesh?

Jo të gjithë dinozaurët u zhdukën 65 milionë vjet më parë. Cilët mbijetuan?

Shpendët dinozaurë – me fjalë të tjera, zogjtë – janë disa nga speciet që mbijetuan dhe lulëzuan pas katastrofave që ndodhën në tokë 65 milionë vite më parë.

Në kontekstin evolucionar, shpendët janë dinozaurë dhe ata janë dinozaurët e vetëm që jetojnë ende sot e kësaj dite mes nesh!

Shkencëtarët vlerësojnë se ka më shumë se 18,000 lloje zogjsh të gjallë sot që vijnë prej kohës së dinozaurëve.

Një shumëllojshmëri speciesh të tjera mbijetuan gjithashtu në tokë, përfshi bretkosat, gjarpërinjtë, hardhucat dhe gjitarët.

Të mbijetuarit

Zogjtë: Zogjtë janë dinozaurët e vetëm që i mbijetuan ngjarjes së zhdukjes masive 65 milionë vjet më parë.

Aligatorët dhe Krokodilët: Këta zvarranikë të mëdhenj mbijetuan – edhe pse zvarranikët e tjerë më të mëdhenj nuk e bënë dot këtë.

Bretkosat & Salamanderët: Këta amfibë në dukje delikatë i mbijetuan katastrofës që zhduku kafshët më të mëdha.

Zvarranikët: Zvarranikët që njohim sot, të afërmit e largët e dinozaurëve, i mbijetuan gjithashtu shfarosjes.

Gjitarët: Pas katastrofës, gjitarët erdhën për të dominuar tokën. Një i afërm i hershëm i të gjithë primatëve, përfshirë njerëzit, i mbijetoi gjithashtu përplasjes së asteroidit.

Gjarpërinjtë: Megjithëse një numër i madh i llojeve të gjarpërinjve u zhdukën rreth 65 milionë vjet më parë, gjarpërinjtë si grup mbijetuan.

Breshkat: Nga llojet e njohura të breshkave të gjalla në kohën e dinozaurëve, më shumë se 80% mbijetuan.

Disa dinosaurë i mbijetuan asteroidit

Dëshmitë e reja fosile sugjerojnë se disa dinozaurë mbijetuan deri në gjysmë milioni vite pas përplasjes së asteroidit legjendar me tokën në pjesë të largëta të Nju Meksikos dhe Kolorados.

E gjithë ideja se një shkëmb hapësinor shkatërroi dinozaurët është bërë e diskutueshme vitet e fundit.

Shumë shkencëtarë tani dyshojnë se faktorë të tjerë ishin të përfshirë, nga rritja e aktivitetit vullkanik deri tek ndryshimi i klimës. Sido që të jetë, rreth 70 % e jetës në Tokë u shkatërrua dhe një përplasje asteroidi pothuajse me siguri luajti një rol të rëndësishëm në këtë.

LEXONI GJITHASHTU:

• Mesazhi i NASA-s rrezikon Tokën nga një sulm alien, paralajmërojnë shkencëtarët
• NASA-s do përplasë anijen kozmike me asteroidin për të shmangur ‘fundin e botës’
• Nasa teston taksitë fluturuese, mjeti i projektuar për të transportuar njerëz dhe mallra