Manchester City ka bërë një hap të madh drejt kualifikimit për në gjysmëfinale të Ligës së Kampionëve.

Në ndeshjen e parë çerekfinale të kësaj gare, skuadra e drejtuar nga Pep Guardiola shënoi fitore 3-0 ndaj Bayern Munichit.

Manchester City e mbylli pjesën e parë me epërsi minimale, falë një goli të bukur të shënuar nga Rodri nga distanca, në minutën e 27-të.

Dy golat tjerë për vendasit erdhën në pjesën e dytë dhe brenda shtatë minutave.

Fillimisht shënoi Bernardo Silva në minutën e 70-të, kurse Erling Haaland në minutën e 77-të. Erling Haaland ka regjistruar një tjetër rekord të madh duke shënuar 45 gola në këtë sezon në të gjitha garat. 22-vjeçari është bërë futbollisti me më së shumti gola të shënuara brenda një sezoni nga një klub i Premier Ligës, përfshirë të gjitha kompeticionet.

Në ndeshjen tjetër Benfika-Inter, italianët shënuan një fitore të pastër duke hedhur nje hap drejt kualifikimit për në gjysmëfinale të Ligës së Kampionëve.

Në ndeshjen e parë çerekfinale të kësaj gare, skuadra e drejtuar nga Simone Inzaghi shënoi 2 gola

Golat e fitores Inter i shënoi  gjatë pjesës së dytë.

Nicolo Barella shënoi fillimisht me kokë në minutën e 51-të, teksa Romelu Lukaku u tregua i saktë nga penalltia në minutën e 82-të.

Ndeshjet  e kthimit do të zhvillohen më daët 19 prill.