Çmimet e kripura për banesat, eksperti: Ka pastrim parash në ndërtim

Eksperti i ekonomisë Mateo Spaho tha në një intervistë për Euronews Albania se ekziston fenomeni i pastrimit të parave në ndërtim, por nuk kryesojmë listën.

“Çmimet janë shumë të larta dhe qartazi duket një aksion paraje që nuk vjen nga rrogat apo të ardhurat e parashikuara dhe të deklaruara të individëve, por ka burime të dyshimta,” – u shpreh eksperti.

Sipas Spahos, Tirana nuk është  një nga kryeqytetet globale të pastrimit të parave.

“E para është Londra, pastaj vijnë qytetet e tjera,” – shtoi ai.

Në pjesën qendrore të Tiranës, një metër katror po shitet deri në 5000 euro.

Rritja e shpejtë lidhet me kostot e shtuara në ndërtim, të cilat janë dyfishuar këtë vit, sipas ndërtuesve nga 400 në 800 euro për metër katror.

Po ashtu, për çmimin e shitjes, po ndikojnë edhe karburantet.

LEXONI GJITHASHTU:

• Deri në 5 mijë euro m² në qendër të Tiranës e ish-Bllok, rriten çmimet në ndërtim