Çmimi i gazit në Evropë ra me më shumë se një të tretën në tetor 

Çmimi i gazit në Evropë ra me më shumë se një të tretën në tetor 2022 në krahasim me muajin e kaluar.

Bëhet fjalë për 1,246 dollarë për 1,000 metër kub, sipas një raporti nga bursa ICE e Londrës mbi lëvizjet e çmimeve për kontratat e së ardhmes në nëntor dhe dhjetor si dhe llogaritjet nga agjencia Tass.

Një nga arsyet kryesore për një ulje të tillë të çmimeve është moti jashtëzakonisht i ngrohtë në rajon, i cili vonon fillimin e sezonit të ngrohjes, sipas informacioneve.

Çmimi i kontratave të së ardhmes së gazit, në ditën e fundit të tregtimit të muajit shtator, ishte rreth 1884 dollarë për 1000 metër kub dhe në fund të tregtimit, më 31 tetor ishte 1246 dollarë, me një rënie prej 34 përqind krahasuar me një muaj më parë.

Çmimi mesatar i gazit në Evropë ishte rreth 1382 dollarë për 1000 metër kub në tetor dhe 2090 dollarë në shtator.

LEXONI GJITHASHTU:

• Gjermania kufizon çmimet e gazit për kompanitë dhe familjet
• 150 euro gjobë për targat, gazetari: Mund të ketë përshkallëzim të situatës
• Ulet çmimi i naftës dhe benzinës