Çmimi Nobel në Letërsi, mes kandidatëve edhe shkrimtari i njohur shqiptar Ismail Kadare

Pas disa vitesh të mbushura me polemika dhe skandale, Akademia suedeze bën me dije sot çmimin Nobel në Letërsi.

Edhe këtë vit mes kandidateve është edhe shkrimtari shqiptar Ismail Kadare.

Ndër kandidatët që përfliten si fitues të mundshëm të Nobelit në Letërsi për këtë vit janë nga Kenia, Thiong’o, poetja nga Kanadaja Anne Carson dhe novelisti i njohur japonez, Haruki Murakami.

Kujtojmë se në vitin 2018 Akademia Suedeze u trondit nga akuzat për abuzim seksual, çka bëri që gjatë këtij viti të mos kishte një fitues.

Në vitin 2019 akordimi i çmimit për shkrimtarin Peter Hendke shkaktoi polemika të shumta, pasi ai cilësohet si një mbështetës i fortë i serbëve gjatë luftërave ballkanike të viteve 1990.

Disa shtete, përfshirë Shqipëria, në shenjë protestë kërkuan që ky çmim të anulohej për shkrimtarin austriak.

Muaji tetor mund të cilësohet muaji i çmimeve Nobel, pasi jepen çmime për fusha të ndryshme. Gjatë kësaj jave janë dhënë çmimet për mjekësinë, fizikën dhe kiminë. Pritet që në ditët në vijim të jepen çmimet Nobel për Paqe dhe Nobel në shkencat ekonomike.

Lexoni gjithashtu:

Ismail Kadare nderohet me Çmimin Ndërkombëtar ‘Neustadt’ për Letërsinë