COVID-19 ngjall pasiguri nëse do të luhet apo jo ndeshja Juventus-Napoli

Skuadra e Napolit nuk u nis për në Torino pasditen e së shtunës për të luajtur përballjen e së nesërmes me Juventusin, ndeshje kjo e vlefshme për javën e tretë të Serie-A.

Shkak për pengesën e skuadrës u bë fakti se dy lojtarë dhe një bashkëpunëtor i klubit rezultuan me koronavirus brenda pak kohe.

Futbollistët Elif Elmas dhe Piotr Zielinski, të cilët dolën pozitiv në testet për COVID-19, detyruan që e gjithë skuadra të vihej në karantinë dhe t’i nënshtrohej testeve, në pritje të rezultateve ata nuk mund të lëvizin ndaj autoritetet lokale ua kanë ndaluar skuadrës vijimin e aktiviteteve sportive.

The results of the last four tests have revealed that Elif Elmas has tested positive for Covid-19.

— Official SSC Napoli (@en_sscnapoli) October 3, 2020

Ekipi i Napolit pritej të nisej në 19:45 të shtunën, por rrugës për në aeroportin e Capadochinos autoritetet i kanë njoftuar ndalimin për të udhëtuar drejt Torinos.

Federata Italiane e Futbollit hezitoi të komentonte rreth situatës, ndërkohë që me shumë gjasa ndeshja pritet të shtyhet.

Nga ana e Juventusit ndërkohë, sot pati gjithashtu raste të konfirmuara me COVID-19, por në radhët e zyrtarëve të klubit. Kjo sidoqoftë detyroi skuadrën që të vihej në karantinë.

Mirëpo paqartësi u krijuan pasi klubi bardhezi njoftoi në Twitter se “sipas kalendarit të Serie-A”, skuadra e saj “do të dalë në fushë të dielën”.

Juventus Football Club announces that the First Team will take to the field for the Juventus – Napoli match tomorrow at 20:45, as foreseen by the Serie A League calendar.

— JuventusFC (@juventusfcen) October 3, 2020

Lexoni gjithashtu:

Juventusi në karantinë, dy zyrtarë të klubit të infektuar nga koronavirusi