COVID-19, rekord botëror në SHBA me 53 mijë raste në 24 orë

Janë regjisruar më shumë se 53 mijë raste me COVID-19 në SHBA në 24 orët e fundit, shifra më e lartë që nga nisja e pandemisë.

Me më shumë se 2.7 milionë raste në total dhe 128/735 vdekje, ShBA-të janë vendi më I prekur se çdo tjetër në botë.

Një ditë para festimeve të festës së pavarësisë, 4 korrikut, verifikimi i rasteve të reja ka pasur rritje në të gjitha shtetet e Amerikës.

25 mijë raste janë vetëm nga katër shtete: Arizona, Kalifornia, Florida dhe Teksasi.

“Ka qenë një javë shumë shqetësuese, tha Antoni Fauci, krye-eksperti i qeverisë për sëmundjet infektive.

Ai tha se SHBA-të mund të shohin edhe 100 mijë raste në ditë nëse nuk ndjekin udhëzimet për të frenuar përhapjen e virusit.