“Rrezik përçarje nëse duan të ulen të gjithë te vendi i shoferit” Kikia heq paralele me protestën

Mentor Kikia, gazetar, ka folur këtë të martë në “Now” në Euronews Albania me Erla Mëhillin. Kikia ka thënë se e gjithë çështja është që protesta të mos përçahet. Sipas tij, duhet një organizim i protestës.

“Kanë ndodhur protesta të tilla për javë dhe muaj të tërë. Këtu shkëndija ishte dhuna. Edhe baruti mori. Çfarë mund të prodhojë kjo protestë? Deri tani është kërkesa: ndalo projektin. Edhe në një moment Rama detyrohet dhe thotë, si te armët kimike, se nuk do të bëhet. Ajo që e bën protestën të bukur është se nuk ka organizator. S’ka një grup, s’ka një kokë. Por do të duhet shumë shpejt që kjo protestë të prodhojë një agjendë dhe të shkruhet një listë. Rreziku është përçarja, sepse duan të ulen te vendi i shoferit. Në momentin që zihen për mikrofonin, atëherë do të zihen.” – tha Kikia.