Cristiano Ronaldo ‘dhunoi’ tifozin, portugezi kundërshton akuzat e ngritura

Cristiano Ronaldo do të kundërshtojë akuzat e ngritura ndaj tij, pas ndeshjes në FA Cup mes Evertonit dhe Manchester United.

Portugezi goditi telefonin e një tifozi 14-vjeçar të bluve, i cili gjendej në Goodison Park. Kjo erdhi si pasojë e nervozizmit nga ana e 37-vjeçarit, pasi skuadra e tij nuk mori një rezultat pozitiv.

Drejtuesit e FA Cup e konsideruan veprimin të dhunshëm, ndërkohë sipas Ronaldos kjo gjë nuk është aspak e vërtetë. Nëse 37-vjeçari është fajtor, atëherë do të ketë dhe një dënim ndaj tij.

Ai kërkoi falje ndaj tifozit 14-vjeçar dhe nënës së tij, por që nuk u pranua nga këta të fundit. Madje duke i ftuar të ndiqnin në stadium skuadrën e Manchesterit, ku do t’u siguronte biletat e ndeshjes, por dhe kjo u refuzua.

Sipas nënës së Jake, Sarah Kelly, djali i saj pësoi mavijosje në dorë dhe veprimi nga ana e futbollistit është absolutisht i pajustifikueshëm.

Nëpërmjet një postimi në rrjetet sociale Ronaldo kërkoi falje, duke pohuar se nuk është kurrë e lehtë të përballesh me emocionet në momente të vështira siç ishte ai me të cilin po përballej ai.

Cristiano e ka mbështetjen e të gjithë skuadrës, nga drejtuesit deri tek futbollistët, ndërkohë që ishte pikërisht Evertoni, skuadra ndaj së cilës ai shënoi golin e 700 për klube.

LEXONI GJITHASHTU

• Verstappen kampion i Formula 1, e fejuara braziliane merr vëmendjen e mediave
• Maks Vershtapen shpallet kampion i botës për herë të dytë në Formula 1
• Audi në Formula 1 nga viti 2026