Çuçi: Do të rikthejmë kamerat e trupit, investojmë 7.6 herë më shumë në teknologji

Ministri i Brendshëm, Bledi Çuçi deklaroi se sot se do të rikthejnë kamerat e trupit për Policinë e Shtetit dhe se investimi në teknologji do të jetë 7.6 herë më i lartë.

“Kemi kaluar nga patrulla policie që të ndalonin ndonjëherë edhe pa shkak, në përdorimin e radarëve automatikë dhe makinave inteligjente duke ulur kështu kontaktin e qytetarit me punonjësin e policisë që në shumë raste ishte edhe burim ryshfeti. Së shpejti do të kalojmë në njoftimin elektronik të menjëhershëm të qytetarit në rast shkeljeje dhe do të vijojmë investimet në teknologji e pajisje digjitale për të rritur cilësisht punën e Policisë. Vetëm vitin e ardhshëm kemi parashikuar 7.6 herë më shumë investime në Teknologji në Policinë e Shtetit”, tha ministri Çuçi.

Ai u shpreh se Policia e Shtetit është një ndër institucionet më të besueshme në vend dhe se indeksi i pëlqyeshmërisë së qytetarëve ndaj punës së policisë ka pësuar një rritje domethënëse nga 36% në vitin 2013 në 59% në vitin 2022.

LEXONI GJITHASHTU:

• Çuçi nënshkruan në Bruksel planin BE-Shqipëri kundër terrorizmit