Çumani: Situata në “Zyber Hallulli” është shumë e rëndë, fëmijët përdorin hashash

Drejtori i Përgjithshëm i Institutit Kombëtar të Integrimit të Jetimëve Shqiptarë, Ilir Çumani, ka komentuar raportin e KLSH, ku janë gjetur disa shkelje pas një auditimi të kryer në shtëpinë e fëmijëve “Zyber Hallulli” në Tiranë.

Në një intervistë për Euronews Albania, Çumani theksoi se raporti i KLSH është vetëm maja e ajsbergut pasi problemet sipas tij në këtë kopësht janë shumë më të thella.

“Nuk jam i befasuar nga rezultate që sjellë KLSH në një audit të tillë sepse e njoh situatën më mirë se shërbimi social shtetëror, më mirë se Ministria e Shëndetësisë. Është një situatë që problemet janë më të thella seç ka nxjerrë KLSH”- tha ai.

Sipas tij, KLSH s’ka zbardhur as 50% e asaj që ndodh në atë qendër, ndërsa shton se në atë institucion ka probleme që lidhjen me çështjen e trajtimit të fëmijëve nga ana sociale.

“KLSH s’ka zbardhur as 50% e asaj që ndodh në atë qendër. Ajo që ka deklaruar KLSH- është maja e ajsbergut. Në atë institucion ka probleme më të thella që lidhen me  çështjen e trajtimit të fëmijëve nga ana sociale. Ka shumë fëmijë që kanë braktisur shkollat. Ka fëmijë që përdorin hashash. Ka fëmijë që luajnë rolin e tutorit që i nxjerrin fëmijët e tjerë për të lypur. Ka fëmijë që bëjnë presion psikologjik mbi personelin dhe mbi fëmijët e vegjël. Ka fëmijë që grabitin supermarkete”-deklaroi ai.

Më tej theksoi: Po të shkojmë në komisariatin numër 1, një fëmijë është dy herë kontigjent i policisë. Çfarë  bën ky personel.

Raporti i KLSH

Raporti i Kontrollit të Lartë të Shtetit  (KLSH) ka gjetur disa shkelje pas një auditimi të kryer në shtëpinë e fëmijëve “Zyber Hallulli” në Tiranë.

KLSH ka zbuluar se fëmijëve nuk u është dhënë kuota ushqimore e miratuar.

Auditimi ka gjetur shkelje edhe në pjesëmarrjen e Shtëpisë së Fëmijës në një prokuorim publik për blerje të ushqimeve.

Në dokument thuhet se një VKM dhe Udhëzimi i Ministrit të Shëndetësisë dhe Mbrojtjes Sociale “kanë përcaktuar nivelin e kuotave ditore të ushqimeve për fëmijët, por nuk kanë përcaktuar sasitë e kalorive që duhet të konsumojë çdo fëmijë sipas grup moshës”.

Një tjetër konstatim i bërë nga KLSH është mungesa e raporteve të monitorimit të buxhetit për tre vite.

LEXONI GJITHASHTU: 

• Flukset e turistëve të huaj, OBT rendit Shqipërinë të parën në Europë
• Çumani: Qendra e fëmijëve jetimë në Borsh po privatizohet. Thirrja për Ramën e SPAK
• Çumani: Qendra e fëmijëve jetimë në Borsh po privatizohet. Thirrja për Ramën e SPAK