Dalin pamjet nga superoperacioni/ Mbi 800 milionë euro kokainë e sekuestruar në Spanjë

Policia spanjolle sekuestroi 30 tonë kokainë nga një anije pranë Ishujve Kanarie duke dyfishuar rekordin e mëparshëm për sasinë e drogës të kapur nga Spanja.

Anija “Arconian”, me flamur të Ishujve Komoro, u ndalua nga forca policore e Guardia Civil më 1 maj, me një ngarkesë që gjykata e vlerësoi në më shumë se 812 milionë euro (956 milionë dollarë).

Sekuestrimi i tejkalon 25 tonët e sekuestruar nga policia gjermane në portin e Hamburgut në qershor 2024, më parë më i madhi në Evropë, dhe është më shumë se dyfishi i rekordit të Spanjës prej 13 tonësh, të gjetur në një dërgesë me banane ekuadoriane në Algeciras vitin e kaluar.

Hetuesit besojnë se kokaina do të transferohej në det në anije me shpejtësi të lartë dhe do të kontrabandohej në Spanjën kontinentale. Në bord u gjetën armë zjarri dhe municione, dhe gjashtë anëtarë të ekuipazhit u zbuluan të fshehur kur oficerët hipën në anije.

Shtatëmbëdhjetë nga anëtarët e ekuipazhit ishin nga Filipinet, ndërsa gjashtë të gjetur të fshehur në bord ishin nga Holanda dhe Surinami.