Tre të vrarë nga të shtënat me armë në qendrën tregtare në Danimarkë

Një person i armatosur ka vrarë tre persona dhe ka plagosur të tjerë, tre prej tyre në gjendje kritike, në një nga qendrat tregtare më të mëdha të Danimarkës, thotë policia.

Një 22-vjeçar danez është arrestuar dhe akuzohet për sulmin. Policia thotë se motivi mbetet i paqartë, por nuk mund të përjashtohet një akt terrorist.

“Papritmas dëgjuam të shtëna. Mendoj se dëgjova dhjetë të shtëna dhe më pas vrapuam nëpër qendrën tregtare dhe përfunduam në një tualet, u grumbulluam në një tualet të vogël, ishim 11 persona. Ishte vërtet nxehtë dhe ne prisnim, ishim vërtet të frikësuar. Ka qenë një përvojë e tmerrshme”, shprehet Isabela

Qindra të rinj ndodheshin në atë në zonë për një koncert të këngëtarit britanik Harry Styles

“Ishte e tmerrshme. Ju mund të pyesni se si një person mund t’ia bëjë këtë një qenieje tjetër njerëzore”, u shpreh Hans, i cili kishte çuar dy vajzat e tij në koncert.

Kryeministrja Mette Frederiksen u bëri thirrje danezëve të qëndrojnë së bashku dhe të mbështesin njëri-tjetrin në këtë kohë të vështirë.

Të shtënat vijnë pak më shumë se një javë pasi një person i armatosur hapi zjarr jashtë një bari ku qëndronin persona të  komunitetit LGBT në Oslo në Norvegjinë fqinje, duke vrarë dy persona dhe duke plagosur 21 të tjerë.

LEXONI GJITHASHTU:

• Hapet në Danimarkë muzeu për refugjatët, që nga Lufta II Botërore
• Konfiskohen 1 mln euro pasuri, të siguruara nga trafiku i drogës në Danimarkë