Dëbimi i ambasadorit, Mali i zi nuk tërhiqet

Nga ana e tij, Mali i Zi nuk do ta tërheqë vendimin për dëbimin e ambasadorit serb në Podgoricë, Vladimir Bozoviç.

Lajmin e kanë bërë të ditur burime zyrtare nga Ministria e Jashtme malazeze për Radio Evropa e Lirë.

Sipas burimeve, të gjitha procedurat për dëbimin e diplomatit serb kanë përfunduar dhe ai duhet të largohet nga Mali i Zi brenda datës 1 dhjetor.

Ndërkohë, duke komentuar vendimin e Beogradit për të mos dëbuar ambasadorin malazez, zyrtarët kanë thënë se, ndryshe nga Bozoviç, i cili me deklaratat e tij ka vënë disa herë në dyshim pavarësinë e Malit të Zi, ambasadori Millosheviç nuk ka ndërhyrë në punët e brendshme të Serbisë.