Dekriminalizimi, Prokuroria përfundon verifikimet për 2 kandidatë për deputetë

Prokuroria e Përgjithshme ka përfunduar verifikimet për 2 kandidatë për deputetë në kuadër të procesit të dekriminalizimit.

Burime nga prokuroria bëjnë me dije se  2 subjektet për të cilat ka përfunduar verifikimi janë një i LSI dhe tjetri i Nismës Thurje.

Përmes një njoftimi për media prokuroria bën me dije se verifikimin për 2 subjekte vetëdeklarues, kandidatë në zgjedhjet parlamentare të 25 prillit ia përcolli organit kompetent, në këtë rast Komisionit Qendror të Zgjedhjeve rezultatet e verifikimit, për të shqyrtuar nëse janë evidentuar të dhëna që përfshihen në sferën e kufizimeve të nenit 2 të ligjit nr. 138/2015 dhe në vijim dhe të vlerësojë nëse ato janë brenda periudhës së ndalimit të përcaktuar në nenin 4 të po këtij ligji.

Krahas KQZ, kërkesë për verifikim më të thelluar të kandidatëve kanë bërë edhe partitë e mëdha politike.

Ishin diplomatët e huaj që vazhduan të këmbëngulin për pastrimin e listave edhe pas dorëzimit në KQZ.