Delegacionet e Kosovës dhe Serbisë takohen nesër në Bruksel

Delegacioni i Kosovës dhe i Serbisë do të takohen të mërkurën në Bruksel, në kuadër të dialogut pavarësisht tensioneve që shkaktoi aplikimi i reciprocitetit për targat e automjeteve.

Ky zhvillim është konfirmuar nga zëdhënësi i Komisionit Evropian, Peter Stano.

Në një përgjigje për Kosova Press, ai thotë se do të mbështesin Kosovën dhe Serbinë për qetësimin e situatës në veri dhe gjetjen e zgjidhje për targat.

“Mund të konfirmojë se takimi i kryenegociatorëve do të mbahet në Bruksel të mërkurën”, tha ai.

Kryeministri i Kosovës, Albin Kurti propozoi dje që të dyja vendet të heqin aplikim e targave të përkohshme.

“Nuk ia vlen të kemi targa të përkohshme edhe Republika e Kosovës edhe Republika e Serbisë, po i heqim ato të dyja palët”, tha Kurti.

Partitë opozitare dhe njohësit e procesit të dialogut kërkojnë që Kosova të ketë qëndrueshmëri dhe mos të heqë dorë nga reciprociteti për targat.

LEXONI GJITHASHTU: 

• Rama takime me krerët e partive kryesore të Kosovës
• Shqipëria e Kosova me sekretariat për koordinimin e marrëdhënieve dypalëshe
• Rama i cilëson manovra teatrale angazhimet e ushtrisë nga Serbia
• S’kam pasur asnjë komunikim me Vuçiç për reciprocitetin, thotë Rama
• Serbia s’do tolerojë dhunë ndaj serbëve të Kosovës, thotë Vuçiç