Delegacioni rus në samitin e ndryshimeve klimatike shkaktoi demonstrata 

Disa protestues ndërprenë një ngjarje të organizuar nga delegacioni i Federatës Ruse në samitin e klimës COP27 në Egjipt, duke kritikuar delegatët rusë për luftën në Ukrainë dhe përdorimin e lëndëve djegëse fosile.

Sigurimi lokal më pas i shtyu protestuesit, por disa refuzuan të tërhiqen, duke vazhduar të protestojnë me zë të lartë gjatë pjesëmarrjes së përfaqësuesve rusë në një panel diskutimi mbi planet klimatike, raportoi Reuters.

Një demonstrues bërtiti “ju jeni kriminelë lufte” dhe një tjetër mbante një pankartë duke thënë “karburantet fosile vrasin”, duke i quajtur delegatët rusë “njerëz të neveritshëm”.

Më herët, një i dërguar rus në bisedimet për klimën tha se vendi i tij ishte ende duke u përpjekur në mënyrë aktive për të parandaluar ndryshimin e klimës dhe shprehu shqetësimin se disa vende mund të përdorin “situatën e vështirë gjeopolitike” për të justifikuar tërheqjen nga angazhimet klimatike.

LEXONI GJITHASHTU:

• A do i shpallë NATO luftë Rusisë? Meçollari tregon se kur aktivizohet neni 5
• AP: Raketat që ranë në Poloni “u hodhën nga Ukraina”