Dëmtimi në Bylis në hetim, kolonat pritet të riparohen

Të premten e javës që shkoi, Forumi për Mbrojtjen e Trashëgimisë, denoncoi dëmtimin e dy kolonave në Parkun Apolloni-Bylis. Sipas kësaj organizate, dëmi ishte shkaktuar më 13 prill nga dora e njeriut.

Ministria e Kulturës ka shpërndarë një njoftim të hënën, duke thënë se ngjarja është nën hetimin e Policisë së Shtetit dhe Prokurorisë. Sipas ministrisë, specialistët e Zyrës së Administrimit dhe Koordinimit të Parqeve Arkeologjike Apoloni dhe Bylis, kanë vlerësuar që nuk ka humbje të parikuperueshme në monument.

Po ashtu, në njoftim thuhet se puna për ringritjen e kolonave dhe restaurimin e tyre do të nisë në ditët në vijim.

Prej ditësh, Forumi ka kërkuar një përgjigje nga institucionet përkatëse në lidhje me ngjarjen ndërsa në njoftimin e ministrisë së kulturës theksohet se rasti në fjalë nuk ka bërë me asnjë përpjekje nga ana e autoriteteve për të fshehur dëmtimin e dy kolonave.