Dënimi me 9 vjet burg i yllit të basketbollit amerikan Britney Griner nga një gjykatë ruse ka ngjallur dëshpërim të thellë në ligën femërore të NBA, në Shtetet e Bashkuara.
Lojtaret dhe trajnerja e ekpit Mercury Phoenix, ku Griner Militon, kanë deklaruar se kanë humbur dëshirën për të luajtur ndeshjet e kampionatit.
“Askush nuk donte të luante sot. Si mund të dalim në fushë dhe të luajmë me mendje të kthjellët në këtë situatë? I gjithë ekipi po qante përpara ndeshjes. Nuk mundet edhe ta nderojmë edhe të dalim e të luajmë njëkohësisht”, tha Skylar Diggins Smith, lojtare e Mercury Phoenix.
E konsideruar një nga lojtaret femra më të mira në botë, Griner u arrestua në shkurt në një aeroport të Moskës, pasi një sasi me vaj kanabisi u gjet në bagazhin e saj. sportistja kishte shkuar në Rusi për të luajtur me një klub lokal.
Ditën e premte, ministri i Jashtëm rus Sergei Lavrov deklaroi se Moska është e gatshme të diskutojë shkëmbimin e të burgosurve me Uashingtonin.
“Ne jemi gati ta diskutojmë çështjen, por brenda kanalit për të cilin kanë rënë dakord presidentët Putin dhe Biden. Është një kanal i posaçëm dhe pavarësisht çfarë thuhet në publik është i rëndësishëm”, u shpreh Lavrov.
Flitet se administrata amerikane është e gatshme t’i ofrojë Moskës Viktor Bout, i njohur si “tregtari i vdekjes”, i cili po vuan një dënim 25-vjeçar në Shtetet e Bashkuara për trafik armësh.
LEXONI GJITHASHTU
