‘Dënoj pushtimin e pajustifikuar rus të Irakut’, gafa e ish-presidentit Bush
Ish-presidenti amerikan George W Bush ka bërë një gafë gjatë një fjalimi mbi demokracinë teksa dënoi ‘pushtimin e pajustifikuar dhe të dhunshëm të Rusisë në Irak’.
Bush, i cili dërgoi trupat amerikane për të rrëzuar Saddam Husseinin gjatë kohës kur ishte president, u ngatërrua gjatë një fjalimi mbi demokracinë ditën e mërkurë.
“Zgjedhjet në Rusi u vodhën”, tha 75-vjeçari. “Kundërshtarët politikë burgosen ose përjashtohen nga proceset zgjedhore”.
“Ky është rezultati i mungesës së balancës mes pushteteve në Rusi”, tha ai.
“Vendimi i një njeriu të vetëm për të ndërmarrë një pushtim të pajustifikuar dhe të dhunshëm të Irakut … doja të thosha Ukrainës.”
Bush u përpoq ta kalonte me shaka duke ia hedhur fajin moshës për gafën e bërë, teksa audienca shpërtheu në të qeshura.
Ai ngrit supet dhe tha nën zë: “Edhe Irakun”.
George W. Bush: "The decision of one man to launch a wholly unjustified and brutal invasion of Iraq — I mean of Ukraine."pic.twitter.com/amgTG41RPb
— Ken Klippenstein (@kenklippenstein) May 19, 2022
Gjatë presidencës së Bushit, Shtetet e Bashkuara, Britania dhe forcat aleate pushtuan Irakun për të rrëzuar qeverinë e Saddam Husseinit, me pretendimin se po fshihte armë kimike e bërthamore.
Lufta rrënoi shoqërinë irakiane dhe mbolli edhe më shumë konflikt në mbarë rajonin. Nga ana tjetër, nuk u arrit të provohej kurrë prezenca e armëve kimike.
Sipas autoriteteve në Irak, mbi 122 mijë civilë u vranë gjatë pushtimit dhe dhunës që pasoi nga viti 2003 në 2013-ën.
Gafa e Bushit ka sjellë reagime të shumta në rrjete sociale.
Senatorja amerikane Nina Turner e cilësoi ish-presidentin ‘kriminel lufte’ në një status në Twitter, ndërsa gazetari dhe autori Wajahat Ali tha se Bushit “iu deshën 20 vjet që më në fund të rrëfejë të vërtetën’.
LEXONI GJITHASHTU:
Kryefaqja
Shpërthimi i sëmundjes së legjionarëve në New York, regjistrohet viktima e parë
Irani rifillon sulmet ndaj vendeve të Gjirit pas një nate tjetër sulmesh amerikane
Policia gjen anijen që u fundos gjatë javës në San Francisko, identifikohet trupi i viktmës
- 10:19 U kap duke transportuar një emigrant drejt Shkodrës, arrestohet 34-vjeçari egjiptian
- 09:56 Plagosja e 18-vjeçarit në Korçë, njerku e sulmoi me thikë gjatë një darke familjare
- 09:49 Shpërthimi i sëmundjes së legjionarëve në New York, regjistrohet viktima e parë
- 09:26 Irani rifillon sulmet ndaj vendeve të Gjirit pas një nate tjetër sulmesh amerikane
- 09:21 Policia gjen anijen që u fundos gjatë javës në San Francisko, identifikohet trupi i viktmës
- 09:12 Iso-polifonia shqiptare pjesë e kolonës zanore në filmin “Odisea”, mjeshtri Vendim Kapaj jep detaje