Denoncimet për zgjedhje, SPAK: 91 materiale të referuara. 50 nga PD, 18 presidenti dhe 1 PS

91 materiale me karakter zgjedhor janë referuar në Prokurorinë e Posaçme në formë kallëzimi apo zgjidhjeje nga disa subjekte për veprat penale “Korrupsioni aktiv në zgjedhje” dhe “Korrupsioni pasiv në zgjedhje”.

Përmes një informacioni zyrtar, SPAK thotë se 55 referime kanë ardhur nga partitë politike, mes të cilave 50 nga PD, 3 nga LSI, 1 nga PS dhe 1 nga FRD.

18 raste janë referuar nga institucioni i Presidentit ,ndërsa pjesa tjetër nga policia, prokuroritë e rretheve si dhe shtetas të ndryshëm. Nga këto raste të kallëzuara, Prokuroria e Posaçme njofton se për 32 materiale ka nisur verifikimi, për 7 është vendosur mosfillimi i procedimit penal, ndërsa pjesa tjetër janë në proces verifikimi.