Derbi Tirana-Partizani, trajnerët Daja dhe Shehi largojnë presionin

Java e 24-ët e kampionatit shqiptar rezervon përballjen mes dy skuadrave të kryeqytetit, Tirana-Partizani.

E konsideruar si ndeshja kopertinë e futbollit shqiptar, për shkak të rivalitetit, këtë sezon i vë përballë në kushte ndryshme, Partizani tre javë pa fitore, Tirana pas tre fitoresh radhazi.

Megjithatë trajneri Orges Shehi kërkon të largojë presionin duke e konsideruar takimin me të kuqtë vetëm si përballjen e radhës.

Në kampin e Partizanit janë besimplotë se do e harrojnë humbjen me Skënderbeun e të marrin maksimumin ndaj rivalëve të përjetshëm. trajneri Ilir daja beson se skuadra e tij e ka kapacitetin për të marrë maksimumin në këtë takim, duke theksuar se kjo do ishte rruga më e mirë për të arritur tek titulli kampion.

Ndeshja mes Tiranës dhe Partizanit do të luhet të shtunën në orën 13:00 në “Selman Stërmasi”.