Deri në maj në Kosovë pritet të mbërrijnë rreth 77 mijë doza shtesë të vaksinës Covid-19

Deri në maj të këtij viti në Kosovë pritet të mbërrijnë edhe rreth 77 mijë doza shtesë të vaksinës Covid-19.

Kështu ka bërë të ditur programi i UNICEF-it në Kosovë, përmes faqes së saj zyrtare.

“76,800 doza shtesë të vaksinës COVID19 do të arrijnë në Kosovë deri në maj 2021 përmes COVAX. Ne nuk jemi të sigurt, derisa të gjithë të jenë të sigurt! Bashkë ia dalim! #Vaksinohu”, thuhet në njoftimin e UNICEF-it.

Kujtojmë se të dielën në Kosovë kanë arritur 24 mijë dozat e para të vaksinës AstraZeneca, ndërsa qytetarët kanë filluar të vaksinohen.

I pari që mori vaksinën ishte kryeministri Albin Kurti.

Lexoni gjithashtu:

Mbërrijnë në Kosovë dozat e para të vaksinës kundër Covid-19