Dështon mbledhja e Këshillit Bashkiak, këshilltarët bojkot Dritan Lelit

Një tjetër mbledhje e parashikuar në Bashkinë e Vlorës ka dështuar nga përplasja mes kryetarit të bashkisë, Dritan Leli dhe Këshillit Bashkiak.

Këtë radhë kanë qenë këshilltarët bashkiakë që kanë refuzuar të paraqiten, ndërkohë që dy herë të tjera, kryebashkiaku Leli i ka ftuar këshilltarët që të komunikojnë online.

Gazetarja e Euronews Albania, Ebrieta Maçaj raportoi nga qyteti bregdetar se mbledhja e sotme u shty për në datën 30 qershor, sipas kërkesës së anëtarëve të Këshillit Bashkiak.

Këta të fundit kanë kërkuar që mbledhja e radhës të zhvillohet me prezencë fizike në teatrin “Petro Marko”.

Ndërsa, kreu i bashkisë, Leli kërkon që mbledhja e radhës të zhvillohet në datën 29 qershor, por online.

LEXONI GJITHASHTU:

• Rama kërkon përjashtimin e Dritan Lelit nga Partia Socialiste
• Këshilltarët sërish kundër Lelit, përplasje për sekretarin, kryebashkiaku i Vlorës refuzon mbledhjen