Dështon seanca në Apel për ish-gjyqtaren Enkelejda Hoxha

Dështon seanca e Parë në Apel ndaj ish-gjyqtares së Krujës, Enkelejda Hoxha dhe të pandehurve të tjerë. Shkak i shtyrjes së seancës u bë mungesa e gjyqtares Saida Dollani.

Gjyqtarja Hoxha kërkon që gjykata ta shpallë të pafajshme për akuzat, për të cilat vuajti dënimin në burg.

Disa muaj me parë ish-gjyqtarja u dënua me 2 vite burg, ndërsa në fillim të këtij muaji ajo u lirua nga burgu, pasi ajo e ka shlyer dënimin, duke llogaritur edhe paraburgimin.

Gjykata shuajti masën e sigurisë edhe për Manuela Mallkuçin, ish-kryesekretaren e Gjykatës së Krujës, që gjithashtu shleu dënim.

Hetimi disa mujor zbuloi se si gjyqtarja Hoxha kishte shuar disa dënime të përjetshme të personazheve të njohur të botës së krimit.

Në këtë skemë ishte i përfshirë dhe avokati Aldo Tabaku, ky i fundit vijon të qëndrojnë në burg, pasi GJKKO e dënoi me 4 vite burg.

Referuar dosjes së SPAK, të dënuarit zgjidhnin avokat Aldo Tabakun, i cili kishte kontakte të ngushta me gjyqtaren Enkeleda Hoxha.

LEXONI GJITHASHTU:

• Enkelejda Hoxha rrëfen ditën e arrestimit në Gjykatën e Krujës
• Ish-gjyqtarja Enkelejda Hoxha tregon si e priti familja arrestimin e saj
• Lirohet ish-gjyqtarja e Krujës e arrestuar për korrupsion e shpërdorim detyre