Detaje nga të shtënat me armë në Delijorgj: U konfliktuan për një femër, si paraqitet gjendja e të plagosurit

Një ngjarje e rëndë ka ndodhur në zonën e ish-parkut të autobusëve, teksa është raportuar për të shtëna me armë zjarri. Mësohet se nga kjo ngjarje një person ka mbetur i plagosur në zonën e barkut, jashtë rrezikut për jetën.

Më tej, lidhur me këtë ngjarje dyshohet se për shkak të marrëdhënieve familjare, siç pretendohet xhelozi për një femër, ka nisur dhe konflikti duke pasuar me plagosjen e personit.

Aktualisht i lënduari ndodhet në një spital privat në gjendje të stabilizuar. Policia ka nisur hetimet për të zbardhur rrethanat e ngjarjes.

Njoftimi zyrtar i policisë:

Rreth orës 15:50, në Rrugën e Kavajës, dyshohet se gjatë një konflikti është plagosur me armë zjarri shtetasi A. K., 34 vjeç, i cili ndodhet në spital, jashtë rrezikut për jetën. Policia i ka identifikuar autorët e këtyre dy ngjarjeve, të dhënat e të cilëve nuk jepen, për shkak se hetimi vijon. Punohet intensivisht për kapjen e tyre.

Ndërkaq, grupet hetimore vijojnë punën për sqarimin e rrethanave të rasteve dhe dokumentimin e plotë ligjor të tyre si dhe për identifikimin e shtetasve të tjerë të dyshuar të përfshirë në ngjarje.