Dhjetë të vdekur në Kosovë në 24 orët e fundit nga Covid-19

Gjatë 24 orëve të fundit në Kosovë janë kryer 1.375 teste të dyshuara me Covid-19, ndërsa 521 prej tyre kanë rezultuar pozitivë. Lajmi bëhet publik nga ana e Institutit Kombëtar të Shëndetësisë Publike, i cili thotë se 10 qytetarë kanë humbur jetën duke e çuar numrin total të viktimave në 1026, që nga fillimi i pandemisë.

“Numri total i rasteve pozitive është 40.117 raste nga 145.363 persona të dyshimtë në virusin SARS-CoV-2 dhe 1.026 raste të vdekjes. Gjatë 24 orëve të fundit, janë shëruar 585 pacientë derisa numri i përgjithshëm i të shëruarve deri më sot është gjithsej 25.586 raste, kurse numri i rasteve aktive është 13.505”, thekson IKSHPK-ja.

Rastet pozitive:

Komuna Prishtinë 285 raste, Pejë 36 raste, Fushë-Kosovë 25 raste,  Gjilan 25 raste, Gjakovë 21 raste, Ferizaj 16 raste, Podujevë 16 raste, Kamenicë 11 raste, Prizren 10 raste, Deçan 8 raste, Istog 8 raste, Drenas 7 raste, Suharekë 7 raste, Viti 7 raste,  Klinë 6 raste, Mitrovicë 5 raste, Rahovec 5 raste, Malishevë 4 raste, Skenderaj 4 raste, Lipjan 3 raste, Vushtrri 2 raste, Obiliq 2 raste, Kaçanik 2 raste, Dragash 2 raste, Hani i Elezit 2 raste dhe me nga 1 rast komunat Shtime dhe Novobërdë.

Autoritetet kanë kërkuar nga qytetarët të tregojnë kujdes, të ruajnë distancën si dhe të respektojnë masat anti-covid.