Dhunë ndaj nxënësve në shkollën e Bilishtit, pezullohet nga detyra mësuesi

Pezullohet nga puna mësuesi i anglishtes në shkollën 9-vjeçare “Dritëro Agolli” në Bilisht, Alban Fetolli.

Ky vendim u mor nga DAR, deri në vendimin përfundimtar të komisionit të etikës dhe disiplinës që ka nisur hetimin pasi prindërit e disa nxënësve të klasës së tetë janë ankuar pranë drejtorisë së shkollës për dhunën e ushtruar ndaj fëmijëve nga mësuesi.

Njëri prej fëmijëve të dhunuar pohoi për mediat se disa ditë më parë gjatë orës së mësimit, mësuesi i ka goditur me bidon me ujë.

Sipas tij, janë dhunuar 4 nxënës, mes tyre dhe një vajzë.

Më herët në një komunikim telefonik, drejtorja e DAR, Vinjola Rota, tha se ngjarja po vlerësohet si nga komisioni i etikës së shkollës dhe po ashtu edhe nga drejtoria rajonale arsimore.

“Menjëherë pas ngjarjes është ngritur një komision etike dhe një pyetësor psiko-social. Në këto momente qe po merren masa mësuesi nuk jep mësim pasi është në komision etike. Deri në momentin që do të dalë vendimi i komisionit etik nuk mund të merren masa të tjera siç mund të jetë pezullimi”, tha Rota.

LEXONI GJITHASHTU:

• Prokuroria për vdekjen e 32-vjeçarit: S’kishe shenja dhune në trup, gëlltiti drogë
• Moderatorja Koçi: I kam shpëtuar një rasti të dhunës seksuale