Ka shkuar në tre numri i të arrestuarve në lidhje me rastin e dhunimit të të moshuarës në azilin në Pejë.
Policia e Kosovës ka arrestuar një person në shtëpinë e pleqve “Orenda” në Pejë.
Sipas mediave të Kosovës, bashkëshorti i njërës prej infermiereve të përfshira në sulmin ndaj të moshuarës ka kërcënuar pronarin e kësaj qendre, Anton Rasaj, për pezullimin nga puna të gruas së tij.
Lajmin e ka konfirmuar dhe edhe zëdhënësi i Policisë për Rajonin e Pejës, Fadil Gashi.
“Në këtë rast ka tre persona që janë arrestuar nga ajo qendër për të moshuar. Rasti ka ndodhur të shtunën më 29 tetor dhe mbi tre personat e arrestuar rëndojnë vepra të ndryshme penale”.
“Një person është arrestuar për veprën ‘Sulm’, një për veprën ‘Ndihmë për kryerje të sulmit’ dhe personi i tretë për veprën ‘incizim i paautorizuar’”, tha Gashi.
Infermierja ishte e përfshirë në sulmin ndaj të moshuarës që u bë publik sot ndërkohë pak pas publikimit të videos u pezullua dhe nga puna.
Ngjarja e rëndë ka ndodhur në Qendrën për të Moshuar “Orenda” në Pejë, ndërsa video e filmuar u përhap menjeherë në mediat sociale.
I menjëhershëm ka qenë dhe reagimi i autoriteteve të cilët kanë bërë të mundur dhe arrestimin e infermieres, Aurona Pelaj si edhe vajzës që e filmonte.
Të dyja këto të fundit së bashku me dy të tjera janë pezulluar dhe nga puna.
E moshuara e dhunuar është nëna e dëshmorit Taulant Nuraj i cili ka humbur jetën në moshën 17-vjeçare në luftën kundër Serbisë. Në pamjet e publikuara shihet se Pelaj dhunon të moshuarën me shpulla ndërsa në një moment i vendos dhe këmbën në bark.
Veprimi i të resë ndaj të moshuarës ka marrë reagime të shumta në opinionin publik në Shqipëri dhe në Kosovë.
LEXONI GJITHASHTU:
- E moshuara del nga azili ku u dhunua, dhëndri: Vuan nga alzheimeri
- Dhuna ndaj të moshuarës në Pejë, reagon Osmani: E patolerueshme
- Dhunimi i të moshuarës në Pejë, përlotet gazetari gjatë raportimit live (VIDEO)
