Gjatë ditës së sotme do të merren në pyetje i gjithë stafi i azilit në Pejë dhe banorët që jetojnë aty, pas ngjarjes së rëndë të dhunimit të një prej të moshuarve.

Gazetari kosovar Gjoci raporton se edhe më herët ka pasur pretendime se në këtë shtëpi pleqsh kishte dhunë.

Një pretendim ka ardhur nga një ish-punëtore e kësaj qendre dhe nga një familjar i një të moshuari, të cilët kanë denoncuar dhunën ndaj pleqve.

E moshuara, e cila u dhunua nga punonjëset e qendrës, ndodhet në banesën e vajzës së saj; është në gjendje të mirë shëndetësore.

Policia e Kosovës ka arrestuar infermieren që shfaqet në video dhe një person tjetër.

Pronari i azilit deklaroi se nuk ishte në dijeni të dhunës dhe se për rastin në fjalë ndjente vetëm mllef.

Politikanë e figura publike reaguan gjithashtu. Presidentja Vjosa Osmani e cilësoi të papranueshme dhunën dhe kërkoi vënien para përgjegjësisë të personave përgjegjës.

LEXONI GJITHASHTU:

• Detaje nga dhunimi i nënës së heroit në Pejë, familjarët paguanin 650 euro në muaj
• Dhuna ndaj të moshuarës në Pejë, reagon Osmani: E patolerueshme
• Blendi Gonxhja: 50 % e atyre që bëjnë aksidente janë pa patentë