Analisti Rama: Vizita e Kurtit në Francë, një përpjekje e BE-së dhe SHBA-së për të gjetur zgjidhje për dialogun

Analisti Fidan Rama komentoi në Euronews Albania procesin e dialogut mes Kosovës dhe Serbisë, ku theksoi se është lajm pozitiv që ka një rikthim të shtuar të vëmendjes së vendeve të BE-së në këtë çështje.

“Takimi që u mbajt në Bruksel kohë më parë nuk po jep sinjale shpresëdhënëse se diçka mund të lëvizë shpejt në këtë drejtim, pavarësisht këtij presioni që po e shton BE në raport me gjetjen e një zgjidhjeje”, tha z. Rama teksa foli për takimin Kurti-Vuçiç.

Ai shtoi se vizita e kryeministrit Kurti në Francë, ishte një përpjekje e BE-së dhe SHBA-së për të gjetur një zgjidhje sa më shpejtë për dialogun mes dy vendeve.

“Duket e vështirë që një gjë e tillë të bëhet shpejt”, u shpreh ai.

Ai shtoi se në fazën që ndodhet aktualisht dialogu, kërkon një kompromis nga të dyja palët  për të gjetur zgjidhje.

Sipas tij, dy çështjet kryesore që janë shtruar në tavolinën e këtij dialogu janë: çështja e asociacionit dhe çështja e mundësisë së lëvizjes së territoreve apo kufijve.

Për këtë të dytën, z. Rama tha se nuk ka asnjë mundësi që të ndodhë.

LEXONI GJITHASHTU:

• Osmani takohet me kancelarin Kurz, diskutohet për dialogun dhe liberalizimin e vizave
• ​Presidentja Osmani: BE-ja duhet të mbajë premtimin për heqjen e vizave
• Kurti pas takimit me Macron: Nuk mora premtim për liberalizim të vizave