Dialogu trazon politikën | Haradinaj: Kurti veproi drejt. Hoxhaj: Përmbysi trashëgiminë

Deklaratat e kryeministri të Kosovës, Albin Kurtit në Bruksel, se nuk fillon dialogu me Serbinë, pa u konsultuar edhe me opozitën e Kosovës, ka vënë në lëvizjes faktorin politik në Prishtinë.

Kryetari i Aleancës për Ardhmërinë e Kosovës, Ramush Haradinaj, e ka përshëndetur refuzimin që ka bërë Kurti, duke e spostuar takimin me Vuçiç në qershor.

Por një deklaratë me tone të ngritura ka ardhur nga kryetari i Partisë Demokratike të Kosovës, Enver Hoxhaj, i cili kundërshton hapat që ka ndërmarrë Kurti në drejtim të dialogut me Serbinë.

Për shoqërinë civile në Kosovë, e cila prej kohësh pret të shohë një bashkëpunim dhe marrëdhënie të re pozitë opozitë, bashkërendimi është i domosdoshëm, por ka shumë pak gjasa të ndodhë.

“Vlerësoj që është mëse e domosdoshme edhe ne si Shoqëri Civile, në vazhdimësi kemi kërkuar konsesus dhe një strategji të mirëfilltë për procesin e dialogut”, u shpreh Jeta Krasniqi.

Lexoni gjithashtu:

Kurti takim me Borrell në Bruksel, dialogu me Serbinë nuk do të rifillojë më 11 Maj

​Borrell reagon për ‘non-paper’: Janë lajme të rreme, dialogu nuk ka alternativë