​Dialogu me Serbinë, Vjosa Osmani tregon se çfarë roli ka Kuvendi në këtë proces

Kryetarja e Kuvendit të Kosovës, Vjosa Osmani, ka zhvilluar një takim me ambasadoren kroate Danijela Barishiç, me të cilën bisedoi për raportet bilaterale ndërmjet Kosovës dhe Kroacisë si dhe për rëndësinë e ratifikimit të disa marrëveshjeve ndërkombëtare si dhe menaxhimin e pandemisë globale të Covid-19.

Sa i takon dialogut me Serbinë, znj. Osmani dhe ambasadorja e Kroacisë u shprehën se roli i Kuvendit të Republikës së Kosovës në këtë proces është tepër i rëndësishëm.

Ky qëndrim i kryeparlamentares bëhet me dije nga zyra e shtypit të Kuvendit, e cila ka dhënë detaje rreth takimit të sotëm.

“Në lidhje me dialogun me Serbinë, u vlerësua se pavarësisht diskutimeve e njoftimeve me fokus grupe, roli i Kuvendit në procesin e dialogut është krucial, në raport me rritjen e transparencës dhe përmbylljes eventuale të një procesi të tillë”, njofton zyra e shtypit.