Shkencëtarët kanë zbuluar në Zimbabve mbetjet e dinosaurit më të vjetër të Afrikës, i cili ka jetuar 230 milionë vjet më parë.
“Mbiresaurus raathi”, ishte një metër i gjatë, vraponte me dy këmbë dhe kishte një qafë të gjatë dhe dhëmbë shumë të mprehtë.
Shkencëtarët thanë se ishte një specie sauropodomorfi, një i afërm i sauropodit, i cili ecte me katër këmbë.
Skeleti u zbulua gjatë dy ekspeditave, në 2017 dhe 2019, në Luginën e Zambezit.
“Kur flasim për evolucionin e dinosaurëve të hershëm, fosilet nga epoka e Triasikut janë të rralla”, tha për BBC Darlington Munyikwa, zëvendësdrejtor i Muzeve Kombëtare dhe Monumenteve të Zimbabvesë dhe i cili ishte pjesë e ekspeditave.
Ai tha se fosilet e asaj epoke, e cila përfundoi më shumë se 200 milionë vjet më parë ishin zbuluar në Amerikën e Jugut, Indi dhe tani Zimbabve.
LEXONI GJITHASHTU:
- Ju keni një ‘kopje’ dhe ndoshta ndani të njëjtën ADN me të, sugjeron studimi
- Misteri i ngordhjes masive të peshqve në Poloni, zbulohen detaje të reja
- ‘Tomatina’ trandicionale spanjolle, qyteti mbushet plot domate
