Disiplinimi i shoferëve, nisin gjobat për mos pozicionimin në korsinë e duhur

Policia rrugore në Tiranë nis përdorimin e dronëve edhe në zonat urbane. Në fokus shoferët e padisiplinuar që nuk respektojnë pozicionin e mjeteve në korsinë e duhur.

Në rast se nuk lëvizni me mjetin tuaj në korsinë e duhur, rrezikoni të gjobiteni deri në 3 mij lek.

Me anë të dronëve dhe shërbimeve civile policia ka vënë në fokus, konstatimin e shkeljeve rrugore të pozicionimit të mjeteve në korsinë apo karrexhatën e duhur, sipas drejtimit dhe qëllimit të lëvizjes.

Krahas makinës inteligjente, flotës së mjeteve të policisë rrugore i janë shtuar edhe radarët që bëjnë matje të shpejtësisë në lëvizje. Megjithatë ekpserti Fatmir Hasho mendon se gjobat për shpejtësi duhen vendosur në varësi të historikut të drejtuesit të mjetit dhe rrezikshmërisë së aksit.