Dita Botërore e Rinisë, pelegrinët mblidhen në Lisbonë në pritje të Papa Françeskut

Mund të mos jetë një grumbullim i yjeve të shoëbiz-it, por sërish, pelegrinët nga e gjithë bota kanë mbërritur në Lisbonë për Ditën Botërore të Rinisë. Rreth 1 milion persona do të marrin pjesë në eventin më të madh të kalendarit katoliko-romak.

Grumbullimi global mbahet çdo dy ose 3 vjet, por në vitet e fundit ai ishte anuluar për shkak të pandemisë së coronavirusit. Hera e fundit që u mbajt ishte në Qytetin e Panamasë në 2019-n.

“Jam shumë e emocionuar që shoh njerëz nga e gjithë bota që festojnë dhe që i kanë sjellë gjallëri kishës. Qyteti ynë është shumë më i madh se një kënd i vogël i Teksasit”, thotë një grua.

“Mendoj se bukuria dhe pasuria e vlerave të kishës janë më të rëndësishme sesa problemet e saj. Kisha ka dobësitë e veta, por besimi është shumë më i madh. Vllazëria, solidariteti, kungimi dhe shpresa që këta njerëz sjellin janë një thesar më i madh se dobësitë e kishës”, shprehet Antonio Ribeiro, peshkop brazilian.

Ndërsa java do të karakterizohet nga evente kulturore, shpirtërore dhe festive, kur të mbërrijë Papa Françesku pritet që ai të mbajë një fjalim për çështje si ndryshimet e klimës, rrjetet sociale dhe skandalet seksuale të kishës me fëmijët, që ka dëmtuar rëndë reputacionin botëror të saj.

LEXONI GJITHASHTU:

• Papa kërkon veprime urgjente nga bota kundër ndryshimeve klimatike
• Papa Françesku emëron 21 kardinalë të rinj