Dita e dytë e protestës së maturantëve, bllokohet rruga e Durrësit

Në 11 qershor u zhvillua provimi i matematikës për maturantët, provim i cili ngjalli shumë reagime prej vështirësisë së tij, që sipas nxënësve ishte një tezë jashtë pritshmërive.

Një ditë pas provimit nisën protestat, të cilët vijuan dhe ditën e diel. Maturantët bllokuan rrugën e Durrësit në shenjë revolte me arsyetimin se duan një përgjigje nga ministria e Arsimit dhe reagimi i ministres Kushi nuk ishte i mjaftueshëm.

Sipas ministres së Arsimit, Evis Kushi, është ende duke u vlerësuar niveli i vështirësisë së provimit dhe nëse tejkalon nivelin e parashikuar atëherë do të rishikohet shpërndarja e pikëve në test.

Rreth orës, 12:30 protesta e maturantëve u zhvendos pranë Qendrës së Shërbimeve Arsimore.

Protestat u zhvilluan në disa rrethe ndërsa në mbështetje të tyre dolën dhe disa prindër të cilët u shprehen të irrituar për situatën në të cilën ndodhen fëmijët e tyre.

“Këta po tallen me të ardhmen e fëmijëve tanë. Stresin dhe mundin e fëmijëve tanë kush na e paguan. Vajza nuk ka fjetur gjumë fare, është bërë me stres,  nuk ha, nuk pi, nuk fle, ka studiuar ditë natë”, theksoi njëri nga prindërit.

LEXONI GJITHASHTU: 

• “Provimi i vështirë dhe me shumë volum, jashtë pritshmërive”, Matematika përlot maturantët
• Maturantët në protestë: Provimi i matematikës i vështirë dhe jashtë programit
• Maturantët në Korçë dhe Shkodër kontestojnë provimin e matematikës