Dita evropiane Kundër Trafikimit të Qenieve Njerëzore

Dita evropiane Kundër Trafikimit të Qenieve Njerëzore shërben për të sjellë në vëmendje të vendimmarrësve, shoqërisë civile, agjencive apo institucioneve të ndryshme dukurinë e trafikimit të personave, dukuri kjo që ka prekur mbarë botën.

Rreth 27 milionë persona (gra, bura dhe fëmijë) trafikohen në vit, shkruan KosovaPress.

Trafikimi i personave nënkupton “rekrutimin, transportimin, transferimin ose fshehjen e personave nëpërmjet kërcënimit, përdorimit të forcës e formave të tjera të shtrëngimit, mashtrimit, marrjes me forcë, dredhisë ose abuzimit të pushtetit, të pozitës vulnerabël ose dhënien apo marrjen e pagesave ose përfitimeve për të arritur pëlqimin e një personi që kontrollon një person tjetër për qëllime shfrytëzimi”.

Në të gjithë botën, 23% e viktimave të trafikimit të qenieve njerëzore janë vajza dhe adoleshentë.

Në Bashkimin Evropian, forma më e zakonshme e trafikimit të raportuar është ajo e shfrytëzimit seksual, një formë e dhunës me bazë gjinore që prek në mënyrë disproporcionale gratë dhe vajzat që përfaqësojnë 95% të viktimave të regjistruara.

LEXONI GJITHASHTU:

• Goditet grupi kriminal në Shkodër, 16 në pranga për kultivim dhe trafikim kanabisi
• Trafiku i qënieve njerëzore, gjenerali francez: Dominojnë shqiptarët
• Arrestohen edhe gjashtë persona të dyshuar për trafikimin e 11-vjeçares