Ministrja e Shëndetësisë, Ogerta Manastirliu thotë se deri në ditën e 6 të vaksinimit në Shqipëri janë vaksinuar 308 mjekë dhe infermierë.
- Advertisement -
Të vaksinuarit e parë janë mjekët dhe infermierët e katër spitaleve të COVID-19, të cilët qëndrojnë në vijën e parë të betejës ndaj virusit.
“308 mjekë dhe infermierë janë sot më të mbrojtur nga virusi i rrezikshëm, pas kryerjes së dozës së parë të vaksinës antiCOVID në Air Albania Stadium, ndërsa vijon procesi i vaksinimit sot në ditën e gjashtë”, shkruan znj. Manastirliu.
Vaksinimi për COVID-19 kryehet me dy doza dhe të gjithë ata që kanë marrë dozën e parë do të duhet të paraqiten sërish për t’iu injektuar doza e dytë pas 21 ditësh.
