“Ditë e Natë” edhe tek “Myslym Shyri”,  zgjerohet rrjeti i farmacive, oferta dhe produkte cilësore për kujdesin personal

Rrjetit të farmacive “Ditë e Natë”, që ka si qëllim ofrimin e produkteve dhe shërbimeve cilësore, në çdo kohë e vend, për gjithçka njerëzit kanë nevojë, iu shtua dje një tjetër stacion në rrugën “Myslym Shyri”, duke e çuar kështu në 30 numrin e farmacive “Ditë e Natë” në Tiranë.

Me hapjen e “Ditë e Natë”, tek “Myslym Shyri”, si më e madhja ndër të tjerat, po nis dhe formatimi i një strategjie të re: “Të jesh i shëndetshëm nuk kushton!”, çka do të thotë se në të gjitha farmacitë, në ditë të ndryshme do të ketë oferta të ndryshme me çmime ekonomike që do t’u mundësojnë familjarëve kursime të konsiderueshme.

“Ne jemi shumë të lumtur për këtë hapje, dyqani në ‘Myslym Shyri’ është dyqan ynë fleksibël; por gjëja më e rëndësishme është nisja e strategjisë së ‘Ditë e Natë’, ku do të ketë çmime të ulëta. Do të përpiqemi të kemi çmimet më të ulëta të të gjitha produkteve dhe fokusi ynë do të jetë të kemi sa më shumë klientë që të jetë e mundur, në mënyrë që produktet farmaceutike të jenë të aksesueshme për çdo qytetar shqiptar”, thotë Tomasz Kopec, menaxher i përgjithshëm i rrjetit të farmacive “Ditë e Natë”.

Tirana është pa diskutim zona kryesore, por rrjeti i këtyre farmacive është shtrirë në të gjithë Shqipërinë, Shkodër, Lezhë, Durrës, Vlorë a Fier…Kudo që të ndodheni, do ta gjeni patjetër një derë të hapur farmacie “Ditë e Natë”, ku ofrohen deri në orët e vona medikamente e shërbime emergjente farmaceutike, prej një stafi farmacistësh që u përgjigjet me profesionalizëm çdo kërkese lidhur me shëndetin apo kujdesin estetik.

Misioni është i qartë: “Ditë e Natë” të jetë vendi ku çdokush të mund të gjejë partnerin e sigurt të shëndetit të mirë, kujdesin personal, produktet cilësore e me origjinë të garantuar, të gjejë zgjidhje për gjithçka. Jo vetëm medikamente për kurimin e sëmundjeve, por edhe produkte të kujdesit të lëkurës, të flokëve apo dhe për linjat e dedikuara për fëmijët, që janë dhe meraku më i madh i çdo prindi.

“Ditë e Natë” është kudo dhe për këdo, duke synuar çdo ditë e më shumë të sjellë në tregun farmaceutik shqiptar një model të ri shërbimi sipas standardeve botërore, një sjellje të re ndaj qytetarëve, me mundësi të prekshme nga të gjithë, që ata të ndjehen të sigurt e komodë për gjithçka u duhet nga “Ditë e Natë”, nga rrjeti i farmacive, ku gjeni gjithmonë një derë hapur.