“Do ta fitojmë këtë betejë historike”- Zelensky flet në krah të Biden në Kiev

Në një konferencë të përbashkët me Presidentin amerikan Joe Biden, Zelensky deklaroi nga Kievi, se “bota demokratike” duhet të “fitojë këtë luftë historike”.

Në fjalën e tij Zelensky vlerësoi maksimalisht mbështetjen amerikane dhe tha se vizita e kësaj të hëne në Kiev është vizita më e rëndësishme në historinë e marrëdhënieve SHBA-Ukrainë.

“Është vizita më e rëndësishme në të gjithë historinë e marrëdhënieve SHBA-Ukrainë,” tha Zelensky.

“Sot negociatat tona ishin shumë të frytshme,” shtoi ai.

Zelensky nënvizoi se rezultatet e kësaj vizite me siguri do të shihen dhe do të kenë reflektim në fushën e betejës. Vendimi i SHBA-së për t’i dhënë tanke Abrams Ukrainës në fillim të janarit ka kontribuar tashmë në forcimin e mbrojtjes së Ukrainës, theksoi presdienti rus, duke shtuar se ai dhe Biden folën gjithashtu për armë me rreze të gjatë.

“Unë e di se do të ketë një paketë shumë të rëndësishme mbështetjeje për Ukrainën… duke shërbyer si një sinjal i qartë se agresioni i Rusisë nuk ka asnjë shans të triumfojë”, tha Zelensky.

“Ukraina është mirënjohëse për ju, zoti President”, e falenderoi ai presidentin e SHBA-ve.

LEXONI GJITHASHTU

• Biden vizitë surprizë në Kiev, e para që nga fillimi i luftës
• Vizita “top secret” e Biden në Kiev, dalin fotot e para në krah të Zelenskyt
• Zelensky: Situata në Donetsk dhe Luhansk mbetet jashtëzakonisht e vështirë