‘Do t’i mbrojmë vetë serbët’, Vuçiç: S’do lejojmë të persekutohen apo masakrohen

Në Rudare, ku kryqi ortodoks serb ndodhet në rrugën që çon nga Kosova në Serbi, trupat amerikane dhe automjetet e NATO-s janë parkuar pranë kufirit të dy vendeve.

Në Mitrovicën e Veriut, njerëzit ecin të qetë rrugëve, ndërsa ata në baret e qytetit ndjekin fjalimin e presidentit Aleksandar Vuçiç, i cili iu premton se do t’i mbrojë.

“Nuk do të ketë kolona refugjatësh. Ne do t’i mbrojmë qytetarët tanë nga persekutimi dhe masakrat nëse NATO, apo trupat e KFOR-it nuk do ta bëjnë”, tha Aleksandar Vuçiç, president i Serbisë.

Tensionet mes Serbisë dhe Kosovës u rritën muajin e kaluar, kur qeveria e kryeministrit Albin Kurti deklaroi se dokumentet serbe të identifikimit dhe targat e automjeteve nuk do të jenë më të vlefshme në territorin e Kosovës.

Pjesëtarët e pakicës serbe reaguan të irrituar ndaj këtij paralajmërimi dhe ngritën blloqe betoni në rrugë, vunë në funksion sirenat e alarmit nga sulmet ajrore dhe qëlluan me armë zjarri në ajër dhe në drejtim të Policisë së Kosovës.

Nën presionin e Perëndimit, kryeministri Kurti e shtyu implementimin e masës për një muaj, deri më 1 shtator.

LEXONI GJITHASHTU:

• ‘Presioni i Vuçiç me stilin Millosheviç do dështojë’, reagon presidenca e Kosovës
• Kam mbështetjen e serbëve nga Kosova për targat, thotë Vuçiç