Dorëhiqet Kryeprokurori i Gjykatës Speciale në Hagë

Jack Smith nuk do të jetë më Kryeprokuror i Gjykatës Speciale.

Smith, i cili ishte në detyrën e kryeprokuroit që nga viti 2018 në Gjykatën e Hagës, për të hetuar krimet e luftës në Kosovë, tani do të jetë pjesë e sistemit të drejtësisë në Shtetet e Bashkuara të Amerikës, për të hetuar raste të tjera.

Ishte Prokurori i Përgjithshëm, Merrick B. Garland, që ka njoftuar për emërimin e Smith si Këshilltar Special për të mbikëqyrur dy hetime penale në vijim.

I pari është ai për hetimin e dosjes gjyqësore në distriktin e Kolumbisë, nëse ndonjë persona ose subjekt ka ndërhyrë në mënyrë të paligjshme në transferimin e pushtetit pas zgjedhjeve presidenciale të vitit 2020 dhe certifikimit të tyre.

Hetimi i dytë më të cilin do të merret Smith ka të bëjë me disa dokumente të klasifikuara dhe të dhëna të tjera presidenciale si dhe pengimin e mundshëm të këtij hetimi.

LEXONI GJITHASHTU: 

• Gara për primaret e PD, Kryesia miraton emrat 61 kandidatëve për 18 bashki
• Burri në SHBA vret gruan dhe 3 fëmijët, më pas veten