Gjyqtarja federale Eileen Cannon ra dakord sot të caktojë një ekspert të posaçëm për të shqyrtuar dokumentet e sekuestruara nga FBI-ja gjatë një kontrolli në pronën e ish-presidentit amerikan Donald Trump në Florida.
Ajo urdhëroi Departamentin e Drejtësisë të pezullonte hetimin penal, por tha se do të lejonte zyrtarët e inteligjencës amerikane të vazhdonin të kryenin një vlerësim të dokumenteve, si dhe një vlerësim të dëmtimit të sigurisë kombëtare, raportoi Reuters.
Cannon i dha afat ekipit ligjor të Trump dhe Departamentit të Drejtësisë deri të premten për të paraqitur një listë të të nominuarve për ekspertë të specializuar.
Një ekspert i specializuar është një ekspert i pavarur, i cili mund të caktohet nga gjykata në çështje të ndjeshme për të pasur akses dhe për të shqyrtuar materialet e mbrojtura nga marrëdhënia avokat-klient. Qëllimi i angazhimit të tyre është të parandalojnë hetuesit që të trajtojnë dokumentet në mënyrë të papërshtatshme.
Trump ka akuzuar Departamentin e Drejtësisë se ka nisur një “gjueti shtrigash” kundër tij dhe avokatët e tij argumentojnë se emërimi i një pale të tretë të pavarur për të shqyrtuar materialin do të ishte një kontroll i rëndësishëm për qeverinë.
Trump është nën hetim për marrjen e dokumenteve qeveritare nga Shtëpia e Bardhë dhe pasi mandati i tij përfundoi në janar 2021, ai i mori dokumentet në shtëpinë e tij në pronën Mar-a-Lago në Palm Beach.
LEXONI GJITHASHTU: