Drejtori i aeroportit të Kukësit: Nga 20 maji i hapur për të gjitha linjat ndërkombëtare, çmimet më të lira se gjithë rajoni

Të dielën e 18 prillit një avion me pasagjerë nga Londra pritet të zbresë në pistën e aeroportit ndërkombëtar të Kukësit.

Sipas autoriteteve, ka përfunduar pista prej 2200 metrash, ndërsa në zonën e parkimit është projektuar të qëndrojnë 3 avionë njëkohësisht.

Altin Progonati, drejtor i Aeroportit të Kukësit tha për Euronews Albania se punimet në këtë aeroport janë drejt përfundimit, teksa pritet që ai të jetë tërësisht funksional dhe i hapur për të gjitha linjat ndërkombëtare deri në datën 20 maj, kur edhe do të jetë certifikuar në bazë të të gjitha proceduarve ndërkombëtare.

Teksa sqaroi se fluturimi i parë nga Londra në Kukës të dielën do të jetë një fluturim inaugurues, z. Progonati theksoi se aeroporti i Kukësit është konceptuar si ‘low cost’ dhe do të operojë me çmime më të ulëta se të gjitha aeroportet e rajonit.

“Aeroporti i Kukës është  i konceptuar si loë cost dhe do të jetë konkurrues për të gjithë rajonin, duke ofruar bileta më të lira se Shkupi, Podgorica apo Prishtina”, tha z. Progonati.