Drejtori i ri i AKSHI-t: Do të ofrojmë shërbime gjithnjë e më të qëndrueshme

Këtë të martë është prezantuar Drejtori i ri të Agjencisë Kombëtare të Shoqërisë së Informacionit, Igli Tafa. Gjatë fjalës së tij Tafa u shpreh se është një përgjegjësi e madhe të drejtojë AKSHI-n. Ai theksoi se do të punojnë bashkë me stafin në realizimin e vizionit të kryeministrit Edi Rama, për digjitalizimin e të gjithë shërbimeve.

“Faleminderit për besimi, është një përgjegjësi e jashtëzakonshme që të drejtoj AKSHI-n, një institucion i suksesshëm që nuk është vetëm teknologjik por është zemra e modernizmit dhe e transformimit digjital që ofron shërbimet për të gjithë qytetarët dhe bizneset e vendet.

Një institucion që është hallkë kryesore e bashkëpunimet me institucionet e tjera, jo vetëm ne sektorin shtetëror po edhe atë privat. Ju keni të gjitha kapacitetet për të çuar vizionin e kryeministrit para për digjitalizimin e të gjithë shërbimeve drejt bizneseve dhe qytetarëve.

AKSHI do të bëjë maksimumin për të ofruar shërbime gjithnjë e më të qëndrueshme dhe do të ofrojë shërbime si e-albania 2.0 dhe avancimi i teknologjike IA që te jemi lider përtej rajonit në fushën e digjitalizimet dhe inteligjencës së avancuar IA”, tha ai.